Verðum að hugsa hnattrænt

Það kemur mér svakalega á óvart að Íslendingar séu virkilega að setja sig á móti stækkun álversins. Að mínu mati er nauðsynlegt að setja málið í víðara samhengi. Við Íslendingar erum sú þjóð sem framleiðir mest af svokallaðri grænni orku. Þ.e. við höfum tækifæri til að menga mun minna en aðrar þjóðir, í rafmagnsframleiðslu okkar. Því ber okkur sem virkir þátttakendur í heimssamfélaginu að leggja okkar af mörkum.

Ál verður framleitt svo lengi sem eftirspurn er eftir því. Því er það hagur allra jarðarbúa að mengunin við álframleiðslu verði sem minnst. Klárt er að álver sem fær orku frá vatnsaflsvirkjun á Íslandi, skilar minni mengun út í andrúmsloftið en álver sem staðsett er á meginlandi Evrópu og er knúið af kjarnorku.  Ekki skemmir svo fyrir tekjurnar sem skila sér í ríkiskassann.

Meirihluti andvígur stækkun álvers í Straumsvík

Athugasemdir

[Hákon (IP-tala skráð) 29.3.2007 kl. 11:16]

Reyndar eru kjarnorkuver líka stórlega misskilin þar sem þau framleiða mjög hreina orku og fyrirsjáanlegt er að í framtíðinni verði hægt að gera allan úrgang frá þeim skaðlausan með niðurbroti hans. Þetta hefur amk verið að gerast síðustu áratugina, að sífellt minna af geislavirkum úrgangi verður eftir.

Hvernig væri að fá eitt kjarnorkuver á Vestfirði og setja upp hátækniðnað þar? :) 

Ekki verri hugmynd en hvað annað..